Khwaabon ka Aashiyaana!!

 
khwaabon ka jo aashiyaana dil mein sajaya tha kahin,
zindagi thami si hai meri aaj bhi wahin...
tere jaane se chali gayi raunak us aangan ki,
andheri raat mein hai bas parchchai us chaandan ki...
 
 
Goonjti hai jo isme tere labzo ki leher,
naina dhoondte tujhe har ghadi har peher...
ashkon mein beet jaati hai shab-e-seher,
kuchh aisa utarta hai ragon mein judai ka zeher...
 
 
sholon sa jala hai dil teri yaadon ki aag mein,
khwaabon ka aashiyaana mera mil gaya khaak mein...
dhundta hun bikhre palon ko is bujhi raakh mein,
hai yahi ek sahara mere jeene ki khuraak mein...
 
2-April-2012
 
-ANIKET SINGH
 
© Copyright 2012 Aniket Singh. All rights reserved.