Pehchaan

Bhula baitha main beete din,
Bhula diya ye sansaar.
na bhul saka jo main abhi tak,
hey pita, Wo hai tumhara pyar.

Din beeta fir raat aayi,
aise kar kar beet gaya ik saal.
Na beet saka jo dil se mere,
Hey pita, tumse bichhadne ka kaal.

Jab bhi aasman se motiyon ki toli, barasne mujh pe ayi hai.
Tumhare aashirwad aur dua ke jaisi,
hey pita, ye mujh par bikhrayi hai.

Andhiyare kamre mein mere jo
jharokhe se roshni ka teer aata hai.
Chhu leta hu usko jo main,
Hey pita, tumhare sparsh ka ehsaas karata hai.

Shyam roopi iss chaadar ko odh,
jab aankh khol ke sota hu.
bikhre hue in chamakte motiyon se,
Hey pita, tumhara naksh pirota hu.

Le aata hai koi jhoka hawa ka,
goonj wo nirmal kaan mein meri.
mil jaati hai fir, jo kho chuka tha,
Hey pita, mujhe Pehchaan meri.