Ek anjaan si bechaini dil ko ghere hai
kayi saare adhoore sawaal mann mein mere hain.
sawaalon ke jawaab mann mere dil se poochhta hai
magar dil mann se uske poore sawaal poochhta hai.
In adhoore sawaalon ka koi kaise jawaab de
meri in jaagti soti aankhon ko fir koi khwaab de.
aankhon se pooche sawaal aankhen hi samajhti hain
par jawaab na mile to saansein meri ulajhti hain.
saansein rukti hain, chalti hain, fir tham jaati hain
jawaab ki talaash mein ye fir koi gam laati hain.
In adhoore sawaalon ka koi kaise jawaab de,
Ae zindagi tu mujhe fir se naye khwaab de.
andheri raat mein chaand sa chamakta mera ye ek sawaal
chotte badde taaron se bikhre tukdon se kayi jawaab.
doosre ko dekhu to pehla, pehle ko dekhu to doosra kho jaata hai
is lukka chhippi mein mera sawaal subah ke aanchal mein gum jaata hai.
24-July-2011
© Copyright 2012 Aniket Singh. All rights reserved.
No comments:
Post a Comment